tid

7,5 t

alder

15+

Under 15?
Ta kontakt!

når

Jul – Sep

kr

1950
Barn – 1750

UTFORSK DEN KALVANDE AUSTDALSBREEN

Styggevatnet (1 200 moh.) er dekt av snø frå oktober til tidleg eller midten av juli. Då byrjar eventyret, vi padlar kajakk over fjellvatnet og går på Austdalsbreen. Vi startar turane på Styggevatnet, Jostedalen, tidleg i juli (forhåpentlegvis 11. juli, eller tidligere) og held fram til slutten av september.

Når isen på vatnet har smelta, startar vi kajakkturane. Det tek om lag halvannan time å padle i kajakk over til Austdalsbreen, den mest tilgjengelege breen i Noreg. Der ser vi ein 30 meter høg brefront som kalvar ismasser ut i vatnet. På vegen padler vi forbi isfjell som har kalva frå breen dagane før. Etter padlinga tek vi ein lunsj pause.

Deretter startar vi breturen på blåisen ved brefronten, der vi vandrar mellom enorme sprekkar mot midten av breen for ein spektakulær utsikt over vatnet og Jostedalsbreen nasjonalpark. Vi brukar om lag 1,5–2 timar på breen, der vi utforskar og forklarer dei ulike naturfenomena. Etter breføringa går vi tilbake til kajakkane for å returnere til sivilisasjonen… Alt godt må dessverre ta slutt.

For barnefamiliar anbefaler vi vår spesialtilpassa Glacier Half Day, der de besøker dei same stadene som på kajakk- og breturen, men reiser med motorbåt i staden for kajakk. Dette gjer turen kortare og enklare, meir tilpassa barn. Er du uroa for barnet ditt på breen? Det treng du ikkje vere – det er oftast foreldra vi ventar på!

Bestill din norske bretur og kajakktur i dag!

viktig Info

Varm lue og hanskar, varme klede inkludert regnjakke, drikkeflaske, solbriller, mat/snacks, gode sko (joggesko er mogleg, men ikkje så komfortable på breen).
Ullundertøy, vassavstøytande bukser, solhatt, gode tursko/fjellsko (men ikkje kjøp spesielt for denne turen).
All båt- og breturutstyr, samt informasjon om breen.
Breheimsenteret, Jostedalen, ved veg 604.
Klokka 09:00 & 10:00.
Møt opp 15 minutt før starttid.

ekstra Info

• Frå Sogndal: Ta veg 55 til Gaupne (om lag 30 km). Ta til venstre inn på veg 604 mot Breheimsenteret og Jostedalen (om lag 32 km til Breheimsenteret – møtestaden vår). Etter 32 km ser du eit skilt med ‘Breheimsenteret’, ta då til venstre rundt eit raudt hus og straks til venstre igjen.
• Frå Lom: Ta veg 55 til Gaupne. Ta til høgre inn på veg 604 mot Breheimsenteret og Jostedalen, og følg deretter retninga ovanfor.
● Breheimsenteret: Sjå kart
Jostedal Hotel
post@jostedalhotel.no eller ring +47 5768 3119
Jostedal Camping
post@jostedalcamping.no eller ring +47 9775 6789
● Jostedal Hotel/Camping: Sjå kart
Du må gi oss beskjed FØR DU BESTILLER dersom du kjem med buss og vil at vi skal vente på deg og køyre deg til vatnet.
Dersom du reiser med offentleg transport (buss), kan vi vente på isbussen, men vi tilrår at du blir verande i Jostedalen etter turen, slik at vi ikkje må skunde oss tilbake for bussen som går frå Jostedalen om ettermiddagen! Dersom du mistar ein bussforbindelse, har vi ikkje ansvar for dette eller vidare transport du treng (vi vil prøve å hjelpe deg, men dette er ikkje vår jobb – turane våre varer ofte lenger enn oppgitt, det er mykje natur å nyte!).